Semana adicada ás Letras Galegas

Desde a biblioteca e o Departamento de Actividades Complementarias e Extraescolares (DACE) tiñamos moitas ganas dunha tertulia literaria con María do Cebreiro co gallo de acercar a poesía galega ás aulas e que os alumnos puideran nutrirse da traxectoria vital e poética dunha autora do panorama literario galego actual, polo que decidimos que sería moi especial que se fixera na semana adicada ás Letras Galegas.

Aí van unhas imaxes do que podemos vivir e disfrutar:

 

 

Do mesmo xeito, nesta semana tan importante  tiña que estar moi presente o noso homenaxeado Carlos Casares e para iso os nenos de ITI fixeron una serie de infografías sobre a vida e obra do autor que están expostas no salón de actos do centro.

E como non, as nenas de 1ºESO retocaron una caricatura de Carlos Casares que xa debuxaran os alumnos de ITI e que logo foi exposta na antesala do instituto.

 

E para rematar ben os festexos, a nosa alumna Alba Pereira Estévez fíxonos un agasallo que non é outro que a presentación da nosa mascota VINCA. A mascota elexida é una abelliña pola relación que teñen estas terras co mel e o nome de Vinca vén pola cercanía de Pena Trevinca.

Aquí a tedes:

 

Grazas!

Encontros literarios "Á Luz da candea": María do Cebreiro

 

Esta mañá tivemos una tertulia literaria con María do Cebreiro que compartiu confidencias cos alumnos de 3ºESO, 4ºESO e 1ºBACH sobre a súa traxectoria literaria e sobre a súa última obra publicada "O deserto", un poemario cheo de referencias bíblicas, mitolóxicas, filosóficas, pictóricas e onde priman as sensacións.

María do Cebreiro, doutora en Teoría de la literatura e autora pertencente á Nova Poesía Galega que ten no seu haber obras como "O estadio do espello”, “Cuarto de outono”, “Non son de aquí”, “ A ferida”, “Os inocentes” ou “O deserto”.

É filla de poetas galegos e leva a literatura nas súas veas pero a súa predisposición para escribir foi coma un proceso de encontrarse consigo mesma. A poesía era algo cotián na súa vida e como ela mesma di: “Eu creo que ía escapando da poesía e a poesía perseguíame a min”. Un día decidiu publicar e firmar como María do Cebreiro para buscar o seu camiño, independentemente dos seus apelidos Rábade e Villar, rodeados de literatura, poesía, escritura e sensibilidade.

A música tamén é unha constante na súa traxectoria vital e por iso publica “Damas negras: música e poesía cantada por mulleres”, un libro no que se fai unha antoloxía das cancións en lingua inglesa de mulleres afroamericanas, en xeral do jazz, do blues, do soul…e no que se adapta ó galego unhas letras dunhas cancións que acompañaban á nosa autora e que moitas son grandes clásicos do Cancioneiro norteamericano.

Coa súa última obra publicada "O deserto" acada o Premio da Crítica 2015, achegándonos a una poesía que privilexia a dor, a pel, o sangue, a ferida, o tormento pero tamén o amor.

Eu quédome con estas verbas do seu poema "O corazón": "A vida é o sentido, a morte quizáis sexa una experiencia nobre e o corazón a máquina de guerra que escolle a quen lle dar a súa metralla".

Grazas, María, por compartir con nós as túas palabras, a túa sensibilidade, a túa poesía e a túa vida.

 

Déixovos unhas fotos e videos para que entendades a magnitude do evento:

 

 

 

 

 

 

 

 

 

 

 

 

 

 

 

 

15 de maio: María do Cebreiro

 

O próximo luns 15 de maio, na semana adicada ás Letras Galegas e no marco dos Encontros literarios "Á luz da candea", teremos o pracer de recibir na biblioteca do IES Carlos Casares á poetisa galega María do Cebreiro, quen nos falará da súa traxectoria literaria e en concreto da súa obra "O deserto", un poemario cheo de referencias pictóricas, fílmicas, bíblicas, mitolóxicas...e no que as sensacións pálpanse na dor, na pel, no sangue, na soidade e na vida.

 

Un luxo para os sentidos!